Chateau de Chambord
Programme archéologique / Le projet perdu de 1519

Deux « rôles de payment » de 1522

Deux « rôles de payment » de 1522

Rolle des journées de mareschal, menuisier, charron, chausumyer, boscherons et manœuvres qui sont ordonnées à servir les maçons et aux choses nécessaires pour le faict des bâtimens de Chambort, par eux mises et employées durant le moys de Septembre mil cinq cens vingt deux, lesquelles journées leur ont esté tauxées par noble et prudent homme, Nycolas Fouyal, escuyer, seigneur de Herbault, commissaire sur ce ordonné, et ycelles payées par René Clotet, commis à tenir le compte et faire le paiement d’iceulx eddiffices, ainsi qu’il s’ensuit :

A Jehan de la Foye, mareschal, 3 liv. 15 s. 10 D. pour 23 journées durant ce présent mois de Septembre ou fait desd. ediffices à 3 s. 2 d. par jour.
A Simon Gaulère, pour semblables journées au feur que dessus 3 liv. 15 s. 10 d.
A Pierre Guerru, pour 23 journées qu’il a employées de sond. mestier de charron, au feur ainsi que dessus, 3 liv. 15 s. 10 d.
A Pierre Montereul, jardrinier, semblable somme de 3 liv. 15 s. 10 D pour 23 journées de son mestier, ou fait des jardrinaiges dud. Chambort
A Mathurin Clergeau, pour semblable, la somme de 3 liv. 15 s. 10 D.
A Jehan Renard, aussi pour semblable, la somme de 3 liv. 15 s. 10 D.
A Pierre Berault, chausumyer, la somme de 3 liv.
15 s. 10 D tour. a luy ordonnée pour 23 journées qu’il a mises et employées ainsi que dessus, au feur de 3 S. 9 d. par jour.
A luy pour deux nuytées audit feur 7 S. 5 D.
A Jehan Malherbe et Pierre Chevalier, pour chacun une nuytée aud. feur 7 s. 6 D.
A Macé Herbelot et Guillaume Guyton, boscherons, la somme de sept liv., treze sols, quatre den. tour. à euls ordonée pour chacun vingt trois journées qu’ils ont mises à faire le boys des fourneaulx à chaux qui est au feur de 3 s. 3 d. par chacun jour, cy, 7 liv. 13 s. 6 d.
A Macé Bacher, Bastien Auger, Colin Lestrenein, Benoist Lescullier, Jehan Lescullier, Pierre du Houx, Martin Forger, Pierre Thissereau, François Guillonneau, Jehan le Breton, Berthelemy Bernard, etc, tous manœuvres, la somme de quatre vingt quatorze liv. dix sept sols, six den. tour. pour chacun 23 journées mises et employées durant cedit moys au feur de 2 s. 9 den. par jour.

Somme des paymens faiz pour les journées dess. dites VIIIXX XI liv. I d. tour.

Nycolas Fouyal, escuyer, seigneur de Herbault, conseiller et maistre d’hostel ordinaire du Roy et de Madame sa mère, commissaire sur le faict des bastimens de Chambort, certiffie à Nosseigneurs les gens des comptes et tous autres qu’il appartiendra, que tous les ouvriers et manœuvres nommez et escriptz cy dessus ont par notre commandement chascun en son esgard, durant ce présent moys de Septembre, mises et employées les journées à plain déclérées en ce présent rolle ou faict des eddiffices et bastimens dud. Chambort. Lesquelles journées nous leur avons tauxées et icelles ordonné leur estre payées selon le contenu cy dessus. En ensuivant laquelle ordonnance a esté payée par René Clotet à ce commis à tous les dessusd. la somme de huit vings unze livres un denier tourn.

En tesmoing de ce nous avons signé ces présentes le premier jour d’octobre, l’an mil cinq cens vingt deux.

Fouyal

 

En la présence de moy, Anthoine de Troyes, commis par le Roy, notre sire, à faire le contrerolle des eddiffices qu’il a ordonné estre faiz au lieu de Chambort, les mareschal, menuisier, charron, jardriniers et manœuvres dessusd. ont confessé avoir eu et reçeu de René Clotet, commis au paiement desdits eddiffices, la somme de huit vingt unze livres ung denier tour, à eulx ordonnée pour leursd. journées qu’ils ont mises et employées, durant ce présent moys de Septembre, ou faict d’iceulx eddiffices, selon et en ensuivant le contenu de chascun des articles escriptz en ced. rolle.
De laquelle somme de huit vingt unze livres ung denier tour. les dessusd. se sont tenuz pour contens et bien payez et en ont quité et quitent respectivement, en tant que à eulx touche et peult toucher, ledit Clotet, commis dessusd. et tous autres.
Tesmoing mon seing manuel cy mis le deuxiesme jour d’octobre, l’an mil cinq cens vingt deux.

De Troyes

Bibl. Nat. Fr. 26118 :
686. Quittances et pièces diverses